Enpresa boteretsuenetariko batzuk langileak kanporatuko dituztela iragarri dute

Maite Txintxurreta

Ford, ING, Whirlpool edota HSBC bezalako zenbait enpresa boteredunek beraien lantaldea murriztuko dute, CNN komunikabideak bere twitter-ean adierazi duenez.

ING-ren Holandako eraikina

Murrizketa hauek gaur egungo krisi ekonomikoaren ondorioa dira. Ford-en kasuan esate baterako, Europan eman den autoen eskaeraren jeitsierak izan du eraginik handiena. Hori dela eta, enpresak Valentzian duen lantegiko 4.000 pertsona kaleratuko ditu. Peugeot-en ere izango dira kanporaketak, 6.000 pertsonakoak guztira Europan.

Lantalde murrizketa gehien aurreikusten dituen beste sektoreetako bat bankuena da. Izan ere, munduko bankuek 50.000 langile kanporatuko dituzte datozen hilabeteetan.

NazioartekoDiru Funtsak adierazi zuenez, europar bankuek 200.000 milioi eurotako kapital berria behar izango dute mundu mailako atzeraldi ekonomiko berri bat gerta ez dadin.

Azkoitiko enpresa bateko kudeatzailea langile baten istripuagatik kondenatu dute

Maite Txintxurreta

2007ko apirilean izandako lan-istripu baten ondorioz ezkerreko besoa galdu zuen Azkoitiko lantegi bateko langile batek. Orain, lantegi horretako kudeatzaileari bi urteko kartzela zigorra ezarri diote, langileak ez baitzuen formakuntza ikastarorik egin, eta ez zuen segurtasunari buruzko informaziorik jaso.

Istripua langilea zulagailuarekin zebilela gertatu zen. Epaileak esan duenaren arabera, "zulagailuak ez zituen segurtasun neurri guztiak betetzen". Horretaz gain, akusatuak arriskuaren berri bazuen arren, ez zuela hau konpontzeko interesik izan ere azaldu du magistratuak.

Azkoitia

Kudeatzaileak beharginak ikastaroak jaso zituela esan zuen epaiketan, baina ez zituen horrelakorik frogatuko zukeen ziurtagiririk aurkeztu.

Kartzela zigorraz gain, lantegiak eta aseguru-etxeak 174.684 euroko isuna ordaindu beharko diote kaltetuari, epaileak hala aginduta.

Alemaniak ukatu egin du 'elite bonuak' prestatzen ari dela

Inhar Lozano

 

Alemaniako egunkariak argitaratu duenez, Merkelen Gobernua eta AAA maila duten beste bost herrialderekin batera (Frantzia, Finlandia, Herbehereak, Luxemburgo eta Austria) goreneko kaudimen mailako kalifikazioa duen zorra erostea aztertzen ari da, eurogunean arazoak dituzten herrialdeei laguntza eskaini behar izanez gero indartsu egoteko eta merkatuen erasoetatik babesteko.

Elmundoes bere twitterean adierazi du, nola Europar batasunak bere barnean zatiketak jasaten ari dela eta ohartarazten du eman daitezkeela beherapen handiak.

Honen gisan, rtve bere twitterean ere adierazi du, nola politikarien erabaki falta merkatuen egonkortasunerako, ondorio txarrak ekarriko dituztela.

Lan sistemaren “zurruntasun eza” gainditzeko eskatu dio Confebaskek Espainiako Gobernuari

 S. Velte

Miguel Angel Lujua Confebaskeko presidenteak dei egin dio osatu berri den Espainiako Gobernuari, lan esparruan “erreforma sakon eta tinkoak” egin ditzan, Berria egunkariak emandako berrien arabera.

Lujuaren iritziko, oraingo sistema “zurruna” eta “ez eraginkorra” da, eta hori gainditzeko neurriak eskatu ditu. Hark esan duenez, langileen baldintzak aldaezinak izateak enpleguan eta eraginkortasunean eragiten du. Beste era batera esanda: langileen lan baldintzak aldakorrak izanda – kolokan jarrita -, efizientzia hobeto bermatzen dela uste du. Azkar asko nabarmendu du horrek ez lukeela esan nahiko kaleratze “errazago eta merkeagoak” ahalbidetzea, “merkatuaren berharretara egokitzea” baizik.

M.A. Lujua, Confebaskeko lehendakaria

Araba, Bizkai eta Gipuzkoako enpresarien elkarteko presidentea aurretik ere mintzatu izan da krisiaz eta hari aurre egiteak eskatzen duen “sakrifizio kolektiboaz”. Hala ere, enpresa handien eta errenta altuko herritarren mesedetako erreforma fiskalak ere proposatu izan ditu. Sindikatuek behin eta berriz egin dute protesta elkargo horren erabaki eta proposamenengatik.

PPk Espainiarentzat erreskatea eskatzea ukatzen du

Iera Uriona

Mariano Rajoy, Reuters-ek esanekoa ukatzen

Reuters agentziak esan du posiblea dela PPk Europako Finantza Egonkortasunerako Funtsarengara jotzea edo Nazioarteko Moneta Funtsako kreditu-lerro bat erabiltzea, defizita eta zorra baretzeko.

RTVE-k bere Twitterrean azaldu du, nola PPa posibilitate honetan pentsatzen zegoen. Geroxeago ukatzearen jarrera azaldu dute eta azkenik Rajoyk bere Gobernua sekretuan mantenduko duela erregeari komunikatu arte ere iruzkindu du.

Diario Expansion-ek bere Twitterrean ere adierazi du: "Reuters-ek Rajoyk laguntza finantziero internazionalaren eskaera aztertzen dagoela baieztatzen du, baina PPk ukatu egiten du".

Era berean, @elpais_economia-n ere azalten da: "PPk, Reuters-ek dioen laguntza internazionala eskatzeko azterketa ukatzen du".

Artur Masek murrizketa gogorrak dakartza

Iera Uriona

Artur Mas, CiUko President-a

Azken hilabeteetan osasun arloan burutu dituen murrizketen aurkako manifestazio biziek ez dute kikildu. Hare gehiago, politika orokorreko eztabaidan, Artur Mas President-ak murrizketa gehiago iragarri zituen. Baina esandakoa bete, ez du bete hauteskunde orokorretan bere alderdi garaipen historikoa lortu arte. Ez du gehiago behar izan. Herritarren gerrikoa gehiago estutuko duten neurriak hartzeko agindu du. 

Bigarren fase honetan, langile publikoei soldata jaitziko die berriro. Eta kargu gorenei bigarren extra kendu. Herritarrei baina, min egingo diena hau: garraio gasolina, ura eta unibertsitateetako matrikulentzat zerga berriak eta osasunko ordainketaren antzeko sistema baten sorrera. Guztia, Europak agintzen duen defizitari eusteko. Oposizioak dagoeneko, gogor kritikatu ditu neurriak.

Zorionak EHNE!

Iera Uriona

EHNE sindikatuak 25 urte bete ditu eta Atarrabian ospatu du. Nekazari elkarteak mende laurden honetan egin duten lana nabarmendu du, baina gaurkoa ospkizun eguna izan dute bereziki, basarritarren aldarrikapenak ahaztu gabe, noski. Horregatik Atarrabian frutak, ortuariak eta baserriko zeinbait produktu egon dira. Nekazariei eta abeltzainei omenaldia izan da, euren ilusio eta lanari esker sortu baitzen sindikatua orain mende laurden bat.

Zenbait bazkide, nekazaritzarekiko konpromisoa erakusten duen omenaldi sinbolikoan.

"Nekazaria izatea, lan bat baino bizimodu bat da", horrela pentsatzen du 40 urteko Mikel Alzuart, baserriko oilo ekoizpen ekologikoan jarduten duen nekazaria eta lehen sektorearen kalitatea eta produktuaren benetakotasunean oinarritutako enpresa aurrera eramaten duenak. "Hemen norbere etxea eta lana ez dira asko bereizten", dio. 

“Caja Alcoy”-ko zuzendari ohi batek kartzelatik ihes egin du

Maite Txintxurreta

Jesus Lidiano Llopis, “Caja Alcoy” erakundeko sukurtsal bateko zuzendari ohia da, eta bi urte baino gehiago zeramatzan Villenako (Alacant) espetxean, iruzurragatik kondenatuta. Egun batzuetarako irtetzeko baimena izan zuen, eta joan den asteburuan itzuli behar bazen ere, orain ez dakite non dagoen.

Jesus Lidiano Llopis

Hilabete gutxi batzuk soilik geratzen zitzaizkion kondena bukatzeko. Poliziak bilaketa-operazio bat jarri du abian, baina oraindik ez dute ezer aurkitu.

Sukurtsalaren zuzendari ohia izateaz gain, bankuko zuzendari orokorraren semea ere bazen Llopis, Jesus Llopis Ferrer-ena hain zuzen ere.

“Caja Alcoy” erakundearen porrot ekonomikoak 1.500 bezero baino gehiagorengan izan zuen eragina, eta 3,7 milioiko galerak izan zituzten hauek.

Santo Tomas egunean greba egingo dute Bilboko metroko langileak

Maite Txintxurreta

Metro Bilbaoko zuzendaritzak azaroaren hamaikarako hamabi kontratazio berri egingo zituela esan zuen, lanpostu iraunkor berriak eginez. Ez zuten akordioa bete, aldi baterako kontratuak egin baititu, eta hauek ez dute lanaldiaren %100a betetzen. Gainera, langileek diotenez, enpresak ez du antzinatasuna kontuan hartzen eta akordioak urratzen ditu.

Bilboko metroa

Hori dela eta, langileak lanuzteak egiten ari dira azaroaz geroztik, eta greba deitu dute Santo Tomas egunerako. Greba honen bidez, langileek ez dute dirurik eskatzen, Metro Bilbaoren zuzendaritzak negoziazio kolektiboan jasotako akordioak bete ditzan baizik.

Ostiralean zuzendaritzak arbitrajea proposatu zien aldarrikatzaileei, baina LAB sindikatuak errefusatu egingo duela iragarri du. Aldi berean, astelehenean elkartzekoak dira enpresa batzordekoak, eta langileek abenduaren 2an asanblada egingo dute.

LAB, laneko indarkeria sexistaren aurka

S. Velte

Azaroaren 25a Emakumeen Aurkako Indarkeriaren Kontrako Nazioarteko Eguna dela eta, hainbat mobilizazio egin dituzte Euskal Herriko hainbat txokotan. Gehienak mugimendu feministak deitutakoak dira, baina badira esparru zehatzagoetara mugatutako beste mobilizazio batzuk ere. LAB sindikatuak, esaterako, lan munduko indarkeria sexisten aurkako kontzentrazioak antolatu ditu hiriburuetan, Lan Ikuskaritza eta Lan Delegaritzen aurrean. "Sexu jazarpenari Stop, langile ekin alternatibari" hartu dute lelotzat.

Bi organo horiei dei egin diete lanean gertatutako indarkeria sexista kasuak saihesten laguntzeko. LABek egindako irakurketan diotenez, indarkeria sexista egiturazkoa da, eta gizartearen esparru guztietan dago errotuta. Lan munduan ere nabarmena da, eta hiru ardatz nagusi ditu, LABen arabera: “Emakumeen aurkako indarkeria bera, lan giro sexista eta nagusikeria giroa, hierarkikoa zein generokoa izan”.

Egoera eta botere-harreman horiek sarritan normaltzat jotzen dira, baina genero arteko diskriminazioan dute oinarria. Egoera horiek bereziki ematen dira lan baldintza kaskarrak dituzten emakume langileengan, edo gehienetan gizonezkoak aritu izan diren lanpostuetan. Ondorioak askotarikoak dira: “Lanak saihesteko saiakerak eta are lana uztea areagotzen ditu; horren ondorioz, produktibitatea eta absentismoa handiagoak izaten dira, eta motibazioa txikiagoa”.

Mendiak dio ez direla eskubideak murrizten, bakarrik espektatibak

Inhar Lozano Ugarte

Eusko Jaurlaritzaren bozeramaileak babestu egin ditu Jaurlaritzaren murrizketa neurriak eta ohartarazi du 2012a "oso zaila" izan behar dela. Krisia dela eta, langile publikoek 2010ko soldata jaitsiera eta ondorengo izoztea onartuta, ahalegina handia egin dutela aitortu arren, Idoia Mendiaren esanetan, administrazioaren jokabidea eredugarria izan behar da. Mendiak azpimarratu du, atzo sindikatuei aurkeztutako murrizketak sortek ez dituztela langileen eskubideak urratzen.

“Ez dira eskubideak murrizten, baizik eta bakarrik espektatibak, ez, eskubideen espepktatiba, eta murriztuko da bakarrik 2012 urterako”, adierazi zuen Eusko jaurlaritzaren bozeramaileak.

Sindikatuak bere aldetik negoziatuko dute akordio bila. Hala ere, sindikatuen erantzuna ikusita, akordioa horrek zaila dirudi. ELAk esaterako historikoak diren eskubideen kontrako erasotzat jo ditu neurriak. “Van a por nosotros, van a por los salarios, van a por los derechos sociales”, iruzkindu zuen ELAko ordezkaria. Horrexegatik Txiki Muñozek oso gogor kritikatu du Lopez lehendakaria. Patronalaren aginduei men egitea aurpegiratu dio hain zuzen. Lau sindikatuak bere aldetik neurrien kontrako protesta kaleratu du jada. Horrelako neurriak langabezi gehiago baino ez dakartela, adierazi dute LABeko partaideek. 


Twitter

Iera Uriona

Munduko potentzia handienek, Txina, AEB, Japonia eta Alemaniak,  inbertsio publikoak egiteko konpromisoa hartu dute krisiari aurre egiteko eta Nazioarteko Moneta Funtsari diru poltsa handitzeko baimena eman diote. "Diru poltsak ez du mugarik izango", Christine Lagarde, Funtsako Zuzendariak jakinarazi duenez.

Christine Lagarde G-20ko goi-bileran 

Negoziazio zailenetarikoa izan da hori haibat herrialdek ez zutelako nahi diru gehiago jarri. Goi-bileran lan eta enplegua sortzeko plana ere onartu da. 20 eta 40 milioi lanpostu sortuko omen ditu munduan, baina erabaki guztiak asmo ona baino ez dira. 

Bi egunetan estatu buruek ezin izan dute erabakirik adostu ezta neurri zehatzik hartu ere.

Finantza trantzakzioei zerga jartzeko helburua ere ezta bete, Frantziak gogor defendatu arren. Izan ere Obama oso kontrakoa da.

2007tik bikoiztu egin da Urola Kostan langabezia

S. Velte

LAB sindikatuak aditzera eman duenez, %104 egin du gora Urola Kostako langabeziak 2007tik, krisi ekonomikoa hasi zenetik. Urte horretako irailean 1.854 zeuden Gipuzkoako eskualde horretan, eta aurtengoan 3.776 langabe zenbatu dituzte. Oro har, langabezia maila "altua" dela salatu du sindiaktuak.

Urte horietan, eskualdeko enpresa asko itxi dituztela azaldu dute, eta erregulazio txostenak ere nonahi izan dira. Azpeitiako Corrugados enpresakoa da adibide nabarmenena; lan taldearen heren bat kaleratuko dute lantegi horretan.

Azkoitiako langabetuen protesta (Urola Kostako Hitza)

Gainera, LABek emandakoak iraileko datuak dira, eta sindikatuaren esanetan, hor oraindik zenbatu gabe zeuden uda pasatu ostean turismo sektoreak izaten diren bajak. Azkoitiako langabeen elkarteak ere aste honetan egin du manifestazioa; herrian 641 langabetu daude, herritarren %5,6.

Horren aurrean, "Gezurretan ari zarete" kanpaina aurkeztu du LABek; kristik irteteko "alternatibak" badirela adierazi du, eta langileen mesedetako politika sozioekonomikoak eskatu dituzte. Hego Euskal Herrian, denera 180.000 langabetutik gora dagoela nabarmendu dute, eta inbertsioak haien alde egin behar liratekeela defendatu dute: "Nafarroan Abiadura Handiko Trena eraikitzeko 30 milioi euro erabiltzen diren bitartean, 230 lanpostu suntsitzen dira irakaskuntza publikoan", salatu dute.

Espainia ez dute erreskatatuko diote adituek

Inhar Lozano Ugarte

Ez da herrialde bakar baten arazoa, euroarena baizik. Horregatik, zulotik, ateratzeko, Europako Banku Zentralaren esku hartze indartsua ezinbestekoa omen da.

Garmendiak ez du zalantzarik: “Uzte dut momentu kruzial batean gaudela, zor publikoaren merkatuen situazioa limitean dago puntu honetan. Eta situazioa jarri du arriskuan euroa, baina egitan” .

Bere esanetan ez da Espainia edo  Italiaren arazoa soilik eta beraz erreskate batek ez luke egoera hobetuko. Agustinek ez du pentsatzen erreskate inmediato batean, bestela beste herrialde batzuk eroriko lirateke ere. Europako banku zentralak zor publikoa erostea aldarrikatzen du. Baina badirudi , “Alemania ez duela nahi banku zentralak interbenitzea eta horrexegatik beste Europar herrialdeak presioa egingo beharko lukete, banku zentralak interbentzio zor publikindartsu bat egin dezan”, adierazten du Norbolsako zuzendaria.  

Espainiak baino o handiagoa du Alemaniak, baina oso interes txikian ordaintzen du. Bankuak Espainiaren zorra erosten badu,  herriaren arrisku prima jaitsiko lirateke eta hori Alemaniari ez zaio komeni, momentuz. 

“Oneratzen da motzean. Europako krisia mundu guztian afektatzen du, mundu guztia geldituko da eta sartuko gara erresesio batean ez dakiguna zenbateko iraupena edukiko duena, hori saihestu behar da”, bukatu zuen Agustinek.

Portugal Europar Batasunak exijitutako neurriak hartzen hasi da

 Maite Txintxurreta

Portugalek jadanik eman du europaren erreskate ekonomikoaren baldintzak aurrera eramateko lehendabiziko pausua. Passos Coelho presidenteak 2012ko aurrekonturako errekorteak eta zergen igoera iragarri du parlamentuan, zorra murrizteko asmoarekin.

Pedro Passos Coelho, Portugalgo presidentea

Neurri hauek haserrea eragin dute herritarrengan, eta hilaren 24rako greba orokorra deitu dute. Horretaz gain, alderdi sozialeko buru den Francisco Louca-ren iritziz, “Herrialdea Merkel eta Sarkozyren menpe dago”, eta “Europako zati handi bat baztertzen dute Frantzia eta Alemaniak”.

Krisi hau Portugalen historiako larriena da, eta aurtengo hirugarren hiruhilekoan egoerak okerrera egiten jarraitu du. Izan ere, %1,7ko beherakada izan du BPG-ak joan den urtearekin alderatuta.

Jaitsiera honen arrazoi nagusienetarikoak esportazioen gutxitzea eta familien kontsumoaren beherakada izan da. Azken hau Gobernuaren austeritate neurrien ondorioa litzateke.

Japoniak atzeraldi ekonomikoa gainditu du

Maite Txintxurreta

Japoniako BPG-ak %1,5eko hazkundea izan du urteko hirugarren hiruhilabetean. Azken lau hiruhilekoetan eman den lehendabiziko igoera jasan du herrialde honetako ekonomiak. Izan ere, duela bost hilabete gertatutako tsunamiak eta honen ondorioz Fukushimako zentral nuklearrean gertatutako arazoek oso eragin negatiboa izan zuen.

Martxoko tsunamia

Joan den urtearekin alderatuz gero, hazkundea %6koa izan da. Aurrerapen hau exportazioen hobetzearen ondorioz gertatu da batez ere, tsunamiaren osteko hornikuntza azkarrak eragindakoa hain zuzen ere.

Familien gastuak ere %1ean igo dira, eta kontsumo mota honek Japoniako ekonomiaren %60-a suposatzen du. Kontsumo pribatu hau autoen, bidaien eta bestelako aisialdirako produktu eta zerbitzuen erosketan oinarritu da. 

 Hala ere, Japoniako Ekonomia eta Politika Fiskalaren idazkari nagusi den Motohisa Furukawak adierazi duenez, “egoerak latza izaten jarraitzen du, Tailandiako uholdeek bertako japoniar produkzioa eta yen-aren balioa kaltetu baitute”.

Jacques Delors euroaren laguntzailea

Inhar Lozano Ugarte

Europa berriarentzat Jacques Delors-ek eskatzen dituen oinarriek herri guztien partaidetza izan behar dute. Gure gobernuek zalantzak izan dituzte, beranduegi esku hartu dute, beranduegi eta gutxi. Euroa zalantzan ikusten du monetaren sortzailea izan zenak hain zuzen. Desagertu ez dadin neurriak eskatzen dizkie gobernuei. Herritarren adostasunarekin eta ez gobernu buruaren arteko eztabaida elitista batean oinarrituta. Greziari ez zaio lagundu espekulatzaileen aurrean, baina horregatik ez da orain kanpoan utzi behar. 

Donostian egin ditu Jacques Delors Europar batzordeko presidente ohiak azalpenok, ikasketei buruzko nazioarteko jardunaldietan parte hartzen ari da eta. Mezu kritikoa baina baikorra utzi nahi izan du Europaren etorkizunera begira.

26000 lagun eskatu dute uztartzerako laguntzak

Inhar Lozano Ugarte

Uztartze planen laguntza direla eta, langilearentzat eta enpresarentzat,uztartzea, bientzat dela errentagarria dio sailburuak. Egun, etxeko txikien zaintzarako eskatzen dituzte langileek lan utzialdiak eta lan ordutegien murrizketa gehienak. Urtarriletik eta urrira bitartean ordaindu gabeko baimenak hartu eta uztartzeko laguntzak eskatu dituzte 26713 langileek. 25900 eskari adin txikikoak zaintzeko. 391 beregainez diren pertsonak zaintzeko. 360 eskari zaindariak kontratatzeko.  Uztartze laguntzetan jasotzen dira baita osasun egoera oso larrian daudenak dagotako epel laburrerako baimenak. 2012an, 30 milioi euro inbertituko ditu jaurlaritzak kontziliazio plan honetan. 

Lana eta bizitza pertsonala uztartu ahal dira baina ordutegi malguekin. Bizi, elkar bizi eta etxekoen zaintzarako uzten duen ordutegi malgua. Ordutegiek ezin dutela lan poztuen egokitasuna baldintzatu dio sailburuak. Egun, lanerako erabiltzen dugun erlojua Europan bakarra da. Europako ordutegi malguak Donostian egingo den kongresuaren ardatz izango dira. Lana eta bizitza pertsonalaren artean oreka bilatzeko azken aurreko ekimena.

Repsol YPF-k orain arteko petrolio aurkikuntzarik handiena egin du

Maite Txintxurreta

Orain arte bere historia osoan egindako aurkikuntzarik garrantzitsuena egin du Repsol YPF-k Argentinan. “Vaca muerta” izeneko 30.000 kilometro karratuko eremu baten gertatu da hau.

Bertan petrolioa ustiatzeko 15 potzu jarri dituzte. Honek, 927 milioi kupeletako kantitatea beteko luke. Petrolio kopuru hau enpresak orain dituen erreserba kantitatearen baliokidea da gutxi gorabehera.

Hala ere, hau ez da “Vaca muerta”-n eginiko lehen aurkikuntza. Izan ere, 2010ean ezohiko gas bat aurkitu zutela adierazi zuen Cristina Fernandez Kirschner presidenteak, “Shale gas” izenez ezagutzen dena.

Vaca muerta-ko petrolio ustiatzaile bat

Repsol YPF-ko kideek esan dutenaren arabera, “aurkikuntzek enpresaren profila aldatuko dute, baina baita Argentinarena ere.”

Tomas Garcia Blancok, aurkikuntza burutu duen enpresaren ikerketa zuzendariak, baliabide berri hauekin Argentinak epe luzean bere burua hornitzeko adina izango duela adierazi du.

Bideoa: http://www.rtve.es/alacarta/videos/telediario/repsol-ypf-descubre-argentina-mayor-yacimiento-petroleo-gas-su-historia/1244210/

Silvio Berlusconik dimisioa aurkeztu du

Maite Txintxurreta

2012ko aurrekontuen legea onetsi ostean, bere hitza bete eta kargua utzi du Italiako lehen ministroak. 17 urtez egon da italiar gobernuan, baina orain dimisioa aurkeztu dio 75 urterekin Giorgio Napolitanori, errepublikako presidenteari, aro bati amaiera emanez.

“Il Cavaliere”-ren erabakia pozez hartu dute askok, eta ospakizunak egon dira Presidentziaren egoitza kanpoan bildutakoen eskutik.

Aurretik arazo eta eskandalu politiko ugari izan baditu ere, krisiak eta Europar Batasunak eragindako presioagatik dimititu behar izan du azkenean Silvio Berlusconik. Horrela, asteartean esan zuen bezala, EB-k zor publikoa murrizteko eskatutako neurriak onartu ostean utzi du agintaritza.

Bihar hasiko du Napolitanok gobernu berria sortzeko prozedura. Horrela, Italiako indar politikoekin bilduko da, tartean senatariak, diputatuak eta herrialdearen presidentzia osatzen duten gainontzeko kideak.

Italiako lehen ministro berria Mario Monti teknokrata eta ekonomilari neoliberala izatea espero da, koalizio-gobernu baten baitan. Uste honek gorakada eragin du burtsan.

Ez denaren teatroa

S. Velte

Unibertsitateko ikasle bati lanaz hitz egitea itsu bati koloreak zer diren azaltzearen parekoa da gaur egun; eurentzako gordeta ez dagoen terrenu gisa ikusten dute gehientsuenek enpresa mundua. Hala ere, etengabeak dira unibertsitatean lan mundurako ematen dizkieten aholkuak; daukatena ematen hasteko prestatzen dituzte ikasleak, unibertsitate garaia formakuntza garaia, hartzekoa, dela ia ahaztuta.

Astelehenean aurkeztu zieten EHUko Ikus-entzunezko Komunikazioko Graduko 2. mailako ikasleei Zitek programa, enpresak eratzeko laguntzak ematen diharduena. Etorkizulan izeneko antzezlanaren bidez erakutsi nahi izan zieten zer suposatzen duen besteren enpresetan lan egiteak, eta zer norberak ekimen propioa sortzeak.

Ikasleei bi aukera eman dizkiete: zerua (besteren enpresa) edo infernua (norberak berea sortzea). Zerua aski aspergarria da hemeretzi urteko batentzat, eta gehienek nahiago izan dute infernurako bidea hartu. Han, bakoitzari maskara bana eman diete, ingurune ezezagunean elkar ere ez ezagutzeko. Deabruz mozorrotutako aktoreek sinatzeko gogo gutxi ematen zuten kontratu batzuk eskaini dizkiete euskara eskasean; gero, denak estu-estu pilatu dituzte. Infernua, ordea, ez da horren txarra; behin kontratuak hautsita, dibertsioa hasten da. Ikasleei platerak hausteko eta oihu egiteko aukera ematen diete, eta sortzaile izateko esaten. 

 

Infernuarekin alderatuta, aspergarri samarra da zerua, argiagoa eta erosoagoa den arren. Gauza onerako atseginegiak diren aingeru batzuek gidatzen dituzte ikasleak. Irri eroen artean, taldearen zigorra eta plazera zer den erakusten diete; nagusiak esandakoa betez gero, noski.

Euren burua teatroetarako helduegitzat duten ikasleek ez dute oso serioski hartu jokoa; alde batetik bestera ibili dira, ordua noiz bukatu zain. Amaieran, Zitek-eko ordezkari batek antzezlanak esan nahi zuena azaldu die, badaezpada. “Inoiz pentsatu al duzue enpresaren bat sortzea?” galdetu die; gutxienek erantzun dute baietz. Gehienek eszeptikoki ekin diote etxerako bideari, euren proiektuak gauzatzeko beste enpresen laguntza zergatik behar duten, eta nolako proiektuak finantzatuko ote dituzten pentsatuz, eta ikusitakoa horixe dela sentituz; teatroa.

Aldundiak ez du gehiago finantzatuko Gipuzkoa Aurrera

S. Velte

Gipuzkoako Foru Aldundiak uko egin dio Gipuzkoa Aurrera lobbyan parte hartzen jarraitzeari, eta horrenbestez, eten egingo du haren finantzazioa abendutik aurrera, akordioa amaitzen denean. Hala adierazi berri du Martin Garitano ahaldun nagusiak.

Gipuzkoa Aurrera 2008an sortu zuten orduko foru aldundiak (EAJk gobernatuta), Donostiako Udalak, Kutxak, Adegik, Mondragon taldeak eta Gipuzkoako Merkataritza Ganberak. Elkarlan publiko-pribatuaren bidez “proiektu estrategikoak sustatzeko” jaio zen. Estrategikotzat definitzen dituzten proiektu horien artean lau dira nagusienak: Pasaiako kanpoko portua, abiadura handiko trena, Hondarribiako aireportua eta Gipuzkoako errepide sarea. 

Gipuzkoa Aurrera sortu zuten erakundeetako ordezkariak

Foru gobernu berriaren iritziko, ordea, elkartea ez da “ez eredu ekonomikoa, ez eta lurraldearen lehentasunak” erabakitzeko tresna egokia. Horren ordez, parte hartzeko sistema berriak bilatu nahi ditu; Garitanoren arabera, Gipuzkoa Aurrera osatzen duten enpresek bertan ere izango dute parte hartzeko aukera.

EAJk kritikatu egin du erabakia, “atzerapausoa” dela argudiatuta. Beste eragile gehienek, ordea, txalotu egin dute: ELA sindikatuaren iritziko, “porlanaren lobbya” diru publikoz ez finantzatzea “berri ona” da. Aralarrek ere ontzat jo du ebazpena.

Bilduk udal eta foru hauteskundeetarako programan jada kritikatzen zuen Gipuzkoa Aurrera, ekonomiaren pribatizazioa zekarrela arrazoituta: “Kudeaketa herritarrek zuzenean hautatutako organoen esku egon beharrean, kapitalari uzten zaio zuzenean”. Eredu hori gainditu eta gizarte “eragile guztiak” barne hartuko dituzten espazioak sortzearen alde agertu zen.

Aernnovak Berantevillan elkartu ditu bere plantak

Iera Uriona

Patxi Lopez Aernnovako presidentearekin, Iñaki Lopez Gandasegui

Inaugurazioan Lehendakaria eta Arabako ahaldun nagusia izan dira. Baita Arabako enpresarien presidente hautatu berria Pascal Gomez ere, besteak beste. Aernnovan 4.000 langile daude, 1.400 Euskadin eta gehienak Araban. Berantevillan 600etik gora. Araban zituen hiru plantak elkartu ditu enpresak eta 20.000 metro karratuko lantegia eraiki du industrialde honetan.
Hegazkinetarako hegoak eta beste egitura batzuk montatzen dituzte hemen, eta hemendik Brasilera, AEBra, Frantziara edo Kanadara bidaltzen dituzte bezero diren Embraer, Sikorsky eta Airbus konpainietara zuzen.
Sendotze bidean daudela esan du taldeko presidenteak, kontratu berriak dituzte eta 4-5 urterako lana zihurtatuta. Fakturazioa %60 igo dezakela esan du eta aurten %20a.
Patxi Lopezen esanetan, ekonomian Euskadi motore eta buru izan behar du Estatuan. Lehendakariak esan du indarkeriarik gabeko egoera aprobetzatu beharra dagoela, "benetako irudia kanpoan erakusteko".

G-20ak Italiara begiratzen du orain

Iera Uriona

G-20 mundu osoko herri indartsuenen bilkura da, baina Cannes-en Europa izan da ia irizpide bakarra. Greziaren ondoren Italiari begira, zorrotz hartu zuten Silvio Berlusconi. Hala, Eurogunearekiko konpromisoak betetzen dituela aztertuko dute Europako Batzordeak eta Diru Funtsak. José Manuel Durão Barrosok, Batzordeko presidenteak, itxaropena azaldu du neurri horrekin Eurogunearen sinergarritasuna indartu dadin. Greziako gaitza ez kutsatzeko su-ebakitzailea abendurako egon behar da prest. 

Silvio Berlusconi, Italiako lehen ministroa

Espainiari haur zintzoaren papera aitortu diote Cannes-en, zihuraski Rodriguez Zapateroren nazioarteko azken bilkura garrantzitsua da hau.

Bestalde, Nazioarteko Balio Funtsak hazi behar direla adostu arren denek, eztute adierazi zelan lortu helburu hori, itxuraz, Txinarekin akordiorik lortu ezinean.

Gero eta okerrago // Langabeziak gora egin du hirugarren hiruhilekoan // LAB: "enplegu finkoa suntsitzen eta denborazkotasuna gehitzen ari da

Maite Txintxurreta

Langabe kopuruak gora egin du berriro ere Hego Euskal Herrian. Izan ere, aurreko hiruhilabetean baino 3.200 pertsona gehiago daude lanik gabe INEren (Espainiar estatistika Institutua) datuen arabera.

Hala ere, EAEn ez bezala, Nafarroan langabezia jaitsi egin da, 3.600 langabe gutxiago baitaude orain.

Bizkaia da gaur egun lau probintzietatik tasarik handiena duena, %13,4koa hain zuzen ere. Gipuzkoan berriz, %9,6koa, Araban %10ekoa eta Nafarroan %11,6koa. Guztira, espainiar estatuan ia 5 milioi langabetu daude gaur egun.

Egoera hau salatzeko asmotan deklarazioak egin dituzte euskal sindikatuek. LABek esaterako, enplegua sortzeko bide bat hastea gaitz ikusten duela esan du, eta datozen murrizketekin are gehiago. Gainera, enplegu finkoa gutxitzen ari dela salatu du.

'Ibilbide orria' adostu du Euroguneak krisiaren aurka Europako liderrak: "Konponbide sinegarri bat adostu dugu" Grezia barkatuta

Iera Uriona

"Konponbide sinesgarri bat" edo "lehenengo urrats bat" deitu zioten Europako liderrek pasa den urriaren 26an zortzi orduko bilera baten ostean lortutako akordioari.  Euroguneko buruzagiek akordioa lortu zuten azkenik diru bateratuak historia osoan pairatutako krisi larrienari aurre egiteko. Hain zuzen ere, Greziako zorraren % 50 barkatzea, erreskate funtsa bilioi bat euroz hornitzea eta bankuak berriz kapitalizatzea hitzartu dute.

'Ibilbide orria'k hiru puntu ditu, merkatuetan konfiantza sustatzeko eta zorraren krisia beste herrialdetara hedatzea galarazteko.

Horietako lehena Greziarentzako beste erreskate plan bat izango da. 130.000 milioi eurokoa izango da eta, horrez gain, herrialdeak banku pribatuekin duen zorraren % 50 barkatuko diote.

Bigarrena Europaren erreskate funtsa handitzea izango da. Une honetan 440.000 milioi euro ditu, baina eraginkortasun txikia erakutsi du krisia konpontzeko. Hemendik aurrera, bilioi bat euroz hornituko dute, eta azaleratu berrien parte-hartzeari ateak irekiko dizkiote, Txinari, kasu.

Azken puntua euroguneko bankuak berriz kapitalizatzea da, krisiaren aurrean osasuntsuago izan daitezen, porrot egiteko arriskurik gabe.

Iberdrolak % 6,6-ko etekinak irabazi ditu urteko lehen seihilekoan / "Aurreikuspen positiboak”, dituzte Iberdrolako nagusiek hurrengo urterako / Egundoko hazia Iberdrolan, negozio erregulatzaile eta berriztagarriei ezker

Inhar Lozano

Iberdrola konpainia elektrikoak 1.563,6 milioi euroko mozkin garbia lortu du 2011ko lehen seihilekoan, iaz baino % 6,6 gehiago irabazi du, besteak beste, negozio erregulatzaileek eta berriztagarriek lagunduta. 

Iberdrolak Balore Merkatuaren Batzorde Nazionalari jakinarazi dionez, bere mozkin garbi errepikaria % 9,4 hazi da, 1.448 milioi eurora arte. Irabaziak "ingurune makroekonomiko zail batean" eskuratu dituztela azpimarratu du konpainia elektrikoak, eta bilakaera hori nazioartean egindako apustuari eta gastuak % 3,2 murrizteko erabili duten estrategia eraginkorrari esker lortu dituztela adierazi du. 

Konpainia elektrikoak 15.550 milioi euroko diru-sarrerak eskuratu ditu, % 1,5 gehiago eta emaitza horiek 2011 eta 2012 urteetarako ezarritako "aurreikuspen positiboak" berresten dituztela azpimarratu du. Arlo erregulatzaileek eta energia berriztagarriek jasandako hazkuntzari esker lortu dute, batik bat, irabaziak areagotzea. 

Azpeitiko lantegi handienean langileen heren bat soberan da

S .Velte

Azpeitiko (Gipuzkoa) Corrugados lantegian 100 langile inguru "soberan" daudela adierazi du enpresaren jabe den Gallardo taldeak; datozen hilabeteetan 130 pertsona inguru kaleratuko dituztela aurreikusi dute. Jada hasi dira horretan: zuzendaritzako hiru kide kalean daude iragan asteaz geroztik, ofizialki oharrik jaso ez duten arren.

Gaur egun, 440 pertsona inguru ari dira Azpeitiko lantegian lanean; herriko enpresa garrantzitsuena da Corrugados. Lasao auzoan ere badago beste lantegi bat, baina printzipioz, ez dute uste kaleratzerik izango denik han.

Abendutik enpresa saldu nahian aritu da Gallardo; Brasilgo Companhia Siderurgica Nacional-ekin akordioa sinatzear zela, ordea, bertan behera gelditu zen asmoa. Orain, datorren urterako ekoizpen txikia aurreikusi dute - zuzendaritzaren arabera, 300.000 tona ekoitziko dituztela uste dute, benetan ekoitzi dezaketenaren erdia baino ez -, eta beharrezkoa izango da plantilaren heren bat kaleratzea.

ELA eta LAB sindikatuek azalpenak eskatu dizkiote enpresari, kaleratzeak zein baldintzetan izango diren jakiteko. Bestalde, zalantza adierazi dute lanean jarraituko dutenengatik ere; izan ere, sindikatuen ustez, oso posible da enpresa ixtea. Hori dela eta, epe luzerako bideragarritasun plan bat eskatu dute.